Algengar spurningar
Hvað er Hera?
Hera er íslensk áskriftarþjónusta sem býr til faglegar vefsíður fyrir lítil fyrirtæki og einyrkja á Íslandi. Þú borgar mánaðargjald og við sjáum um hönnun, texta, hýsingu, lén og uppfærslur. Markhópurinn er lítil fyrirtæki og einyrkjar sem þurfa vandaða vefsíðu með góðu SEO til að vera sýnileg án þess að eyða vikum í að byggja hana sjálf(ur) eða borga hundruð þúsunda fyrir nýja vefsíðu.
Hverjum hentar Hera?
Hera hentar best smáfyrirtækjum eins og hárgreiðslustofum, iðnaðarmönnum, ráðgjöfum, snyrtistofum, bifreiðaverkstæðum og staðbundnum þjónustufyrirtækjum. Ef þú þarft vefsíðu með upplýsingum um þjónustu, símanúmer, opnunartíma og kannski bókunarhlekk, þá ertu á réttum stað. Hera hentar ekki fyrir stórar vefverslanir, hótelbókanir eða flókin bókunarkerfi.
Hvernig er Hera frábrugðin Wix eða Squarespace?
Wix og Squarespace eru DIY-lausnir: þú býrð til vefinn sjálf(ur). Hera er „tilbúin fyrir þig"-þjónusta: við setjum vefsíðuna upp, þú velur snið og við klárum vefinn. Hera er líka sniðin sérstaklega fyrir íslenskan markað — íslenskt viðmót, .is lén og íslensk þjónusta.
Hvað kostar Hera?
Tvær áskriftarleiðir: - Grunnur: 5.990 kr/mán — vefsíða á hera.is/{nafn-fyrirtækis} - Eigið lén: 8.990 kr/mán — vefsíða á þínu eigin .is léni Engin uppsetningargjöld og enginn bindingartími.
Eru þetta verð með eða án virðisaukaskatts?
Öll verð á síðunni eru með 24% virðisaukaskatti. Reikningur er gefinn út á greiðanda með VSK sundurliðaðan, þannig að bókhaldið hjá þér verður rétt. Áskrift án .is léns er 4.830 kr. + virðisaukaskattur, samtals 5.990 kr. Áskrift með léni er 7.250 kr. + virðisaukaskattur, samtals 8.990 kr.
Get ég sagt upp hvenær sem er?
Já. Mánaðaráskrift án bindingartíma. Þú segir upp í gegnum innskráð notendaviðmót eða með tölvupósti á hera@hera.is. Vefurinn er virkur til loka greiðslutímabils sem þegar er borgaður og er svo tekinn niður.
Hvað gerist ef ég gleymi að borga?
Vefurinn fer í pásu eftir 7 daga vanskil — birtir tilkynningu um að þjónustan sé tímabundið niðri. Eftir 21 dag án greiðslu fer áskriftin í uppsögn og vefurinn er tekinn niður. Þú færð tölvupóst áður en hvert skref á sér stað.
Þarf ég kreditkort til að byrja?
Þú getur séð vefinn áður en þú samþykkir — engar kostnaðarupplýsingar við skráningu. Þegar þú samþykkir vefinn og velur áskrift, færð þú sjálfkrafa mánaðarlega kröfu í heimabankann.
Hvað tekur það langan tíma að setja upp vefsíðu?
Einn dag, oft aðeins nokkrar klukkustundir. Þú fyllir út formið á /vefsida (tekur 5 mínútur), við sníðum vefinn og þú færð að sjá vefsíðuna uppsetta. Þegar þú samþykkir er vefurinn kominn í loftið innan klukkutíma.
Þarf ég að gera eitthvað tæknilegt?
Nei. Engin uppsetning og engar DNS-stillingar, engar plugin-uppfærslur, ekkert viðhald. Við sjáum um allt, þú sérð vefinn og samþykkir hann.
Get ég breytt vefnum seinna?
Já. Þú færð aðgang að stjórnborði sem leyfir þér að breyta texta og myndum hvenær sem er. Þú þarft ekki að bíða eftir okkur til að gera litlar breytingar. Stærri hönnunarbreytingar, eins og að skipta um snið, getur þú líka gert sjálf(ur) eða beðið okkur um að sjá um.
Hvað ef ég verð ekki sátt(ur)?
Þú sérð vefinn áður en þú samþykkir. Engin skuldbinding fyrr en þú segir „já, þetta er gott". Ef þú samþykkir og verður svo ósátt(ur) með eitthvað, sendir þú okkur skilaboð og við breytum því.
Get ég notað mitt eigið .is lén?
Já, á 8.990 kr/mán áskriftinni. Annaðhvort skráir þú nýtt lén í gegnum okkur (við skráum það hjá ISNIC), eða þú átt nú þegar lén og við tengjum það við vefsíðuna þína sem Hera hýsir.
Hvað ef ég á gamalt .is lén með núverandi vefsíðu?
Þú getur skráð þig inn á ISNIC og bætt okkur við sem tæknilegum tengilið. Við sjáum um að tengja lénið við nýju vefsíðuna þína.
Hvað ef ég á þegar vefsíðu með mikið af innihaldi sem ég vil ekki tapa?
Hera er einnar síðu lausn. Ef gamla vefsíðan þín er með margar undirsíður sem hafa innihald sem þú vilt halda, þá er Hera kannski ekki rétta lausnin fyrir þig eins og staðan er í dag. Hafðu samband og við skoðum saman hvort við getum fundið sérsmíðaða lausn — eða ráðlagt þér annað.
Hver á lénið?
Þú átt lénið. Skráningin er á þínu nafni og kennitölu, ekki á Hera. Ef þú segir upp Hera áskriftinni, fer lénið með þér og þú getur tengt það við aðra þjónustu.
Hvað kostar .is lénið?
Eigið-lén áskriftin (8.990 kr/mán) inniheldur skráningu og endurnýjun á .is léni. Enginn aukakostnaður frá ISNIC til þín.
Á ég vefsíðuna?
Þú átt innihaldið, textann, myndirnar og vörumerkið. Hera á hugbúnaðinn og kerfið sem hýsir vefsíðuna og lénið ef þú velur lén í gegnum Heru (innifalið). Þetta er svipað og að leigja pláss í verslunarmiðstöð: þú átt vörurnar, miðstöðin á rýmið.
Get ég flutt vefsíðuna seinna ef ég vil það?
Þú getur tekið allt innihald með þér ef þú segir upp — texta, myndir, lén. Þú getur ekki tekið sjálfan hugbúnaðinn með þér (kóðann, sniðin), en þú getur byggt vef hjá annarri þjónustu með sama innihaldinu.
Hvað gerist með vefinn minn ef Hera lokar?
Við myndum tilkynna með að minnsta kosti 90 daga fyrirvara og leyfa þér að flytja innihald út. Þetta er eitthvað sem við vonumst til að komi aldrei að, en það er mikilvægt að þú vitir hvernig slíkt myndi virka.
Verður vefsíðan sniðin fyrir farsíma?
Já. Hver vefur sem Hera býr til er sniðinn fyrir farsíma, tölvur og spjaldtölvur. Yfir 70% af íslenskri netumferð kemur frá farsíma — þetta er því sjálfsagður hluti af þjónustunni.
Birtist vefurinn í Google?
Já. Við sjáum um öll tæknileg SEO-atriði: sitemap.xml, robots.txt, structured data (LocalBusiness, Service), meta descriptions, canonical tags. Hvort vefurinn birtist ofarlega fer eftir efni, samkeppni og staðsetningu — en uppsetningin er rétt frá fyrsta degi.
Birtist vefurinn í ChatGPT, Claude, Perplexity?
Vefurinn er sniðinn til að vera lesinn af AI-verkfærum — við gerum efnið aðgengilegt og merkjum það með þeim hætti sem þau skilja. Hvort þau vísa á þína vefsíðu þegar einhver spyr „hárgreiðslustofa í Reykjavík" fer eftir mörgu — en þú ert í mun betri stöðu en ef þú reiðir þig eingöngu á Facebook-síðu.
Hvað um SSL og öryggi?
SSL-skírteini er innifalið — hver vefur fer í gegnum HTTPS. Enginn aukakostnaður og engin uppsetning. Sjálfvirkar endurnýjanir.
Hvað ef ég vil bæta við bókunarhlekk?
Engin vandræði. Við setjum inn hnappa fyrir Noona, Setmore, Calendly, Booksy, eða hvaða bókunarkerfi sem þú notar. Þú setur slóðina inn í einn reit og við sjáum um restina.
Hvernig fæ ég stuðning?
Tölvupóstur á hera@hera.is. Við svörum innan eins virks dags, oftast hraðar. Allt á íslensku.
Eru engir símanúmer?
Stuðningur fer fyrst og fremst fram í gegnum tölvupóst svo við getum séð yfir öll mál og brugðist við þeim á skipulagðan hátt. Ef þú þarft beint símtal um eitthvað, sendu á okkur og við hringjum.